O America´s Army para PC segue a bater récords con máis de 10 millóns de usuarios

De todos é sabido o gusto dos estadounidenses polas armas; podemos dicir sen risco a trabucármonos que se hai algo que lles guste máis a unha parte importante deses seres de estraños costumes que as hamburguesas, a Pepsi Cola e a crema de cacahuete son as pistolas, os coitelos, as metralladoras e todo o que teña que ver coa destrución e que se pode levar á gran pantalla en forma película ou serie de animación.
Se á súa afección polas armas lle unimos a paixón polos videoxogos, obtemos unha boa medida da clave do grande éxito obtido co simulador virtual de manobras do Exército dos Estados Unidos: o America’’s Army PC.
Este videoxogo que as forzas armadas empregan para a instrución dos seus soldados leva colleitados cinco records Guinnes e recrutou a preto de dez millóns de “soldados virtuais” dende que saíu dos cuarteis cara o gran público.
Xa en xaneiro de 2007 superaba os oito millóns de “soldados virtuais” cando, no exército de terra real, só había uns 519.500 militantes; isto fixo que a aplicación se distinguira como “o meirande exército virtual do mundo”, 15 veces superior ao real.
A día de hoxe, o xogo ten máis de 9,7 millóns de usuarios e vén de obter varios récords: por ser “o videoxogo de guerra máis descargado”, con máis de 42,6 millóns de veces; por ter o “máximo de horas que permite xogar como tirador libre”; e o Récord Guiness por estar considerado como o “meirande simulador de viaxe” ao incluír seis vehículos de tamaño real rodeados por múltiples pantallas planas e con espazo para ata 50 participantes.
Con esta colleita de recoñecementos, unha cousa si semella estar clara: imos ter America´s Army PC para largo.